أحيانا ما تحدث أمور تجعلك تتسائل, كيف كان يفكر من قام بهذة الأمور ؟؟ هل اعتقد حقا أنها قد تمر هكذا في هدوء ؟؟ .. و هذة الأيام لا حديث في وسط الإنترنت في مصر يعلو على حديث هذة الخطوة التي لا يعرف أحد إذا ما كان قد بدأ بالفعل تطبيقها حرفيا و إن كان قد حدث فمتى بدأ هذا التطبيق و إن لم يكن فمتى و كيف سيتم تنفيذها و القصة كاملة تختصر في عبارة واحدة ” سياسة الإستخدام العادل” أو “الرشيد” كما يحلو للبعض أحيانا تسميتها.
لا يمكننا هنا أن نصف فكرة “سياسة الإستخدام العادل” بأنها أمر جديد على سوق الإتصالات سواء على الجانب المحلي أو العالمي و لكن الجديد هو تطبيقها بهذا النطاق الواسع, المفاجئ و بحدود غير منطقية و لا مبررة بالمرة. ففجأة و بدون مقدمات و بدون إعلان رسمي أو تصريحات علنية أضافت شركات الإنترنت المصرية الى مواقعها على الإنترنت فقط بيانات ما يسمى بسياسة الإستخدام العادل لتعلن لمستخدميها و فيما يبدو في مخالفة صريحة لعقود الإستخدام الموقعة بين الطرفين أن ما تسمى بسرعات الإنترنت “الغير محدودة” هي في حقيقة الأمر “محدودة” بنطاق معين لتبادل البيانات تحت مظلة ما تسميه الشركات بسياسة الإستخدام العادل و أن هذا النطاق هو 25GB شهريا في حالة أقل السرعات المتاحة و هي 512MBps و حتى 250GB للمشتركين في أعلى السرعات المتاحة و هي 24MBps.
الغريب في الأمر أنه يبدو أن من فكر في وضع هذة القيود الجديدة – و التي يقال أن السبب في تطبيقها هو الحد من مشاركة إتصالات الإنترنت بصورة غير شرعية بين أكثر من مستخدم – لم يعطي نفسه المجال للتفكير في كم تبادل البيانات المنطقي الذي قد يحتاج اليه مستخدم الإنترنت المنزلي في الأيام الحالية التي أصبح فيها مشاركة ملفات الفيديو عالية التحديد عبر الإنترنت أحد الأشياء التقليدية التي يقوم بها الكثيرون بصفة يومية. بل و الأكثر غرابة أن يحدث ذلك في عالم اليوم الذي يتجه فيه العالم الى زيادة السعات المتاحة لاتصالات الإنترنت الى سرعات وصلت في بعض أرجاء هذة الأرض التي نحيا عليها الى 100MBps و بأسعار مقاربة لما ندفعه في منطقتنا من العالم في سرعة أقل من 1/10 من هذة السرعات. و لكن لتضاف مزيد من الإثارة الى الأمر فإننا سنحصل على هذا الإتصال بهذة السرعات و بهذة الأسعار و كذلك بإضافة قيود جديدة على كم ما يمكنك تبادله من معلومات.
إن النظرة الأولى الأولى لهذة الأرقام التي فرضت في نطاق “سياسة الإستخدام الرشيد” تظهر مدى العبث الذي وضعت به هذة القيود, فالسعة المتاحة للمستخدم الذي يدفع 2000 جنيه مصري شهريا تقريبا في مقابل الحصول على سرعة تصل الى 24MBps لن يستطيع استخدام أقصى سرعة لاتصاله بالإنترنت لأكثر من يوم واحد فقط تقريبا في ظل هذة السعة المحددة لتبادل البيانات.
نحن بكل تأكيد لا نعلم الى أين ستنتهي هذة المسرحية الهزلية الغير مبررة, و لكننا سننتظر آملين أن يكون هناك الكثير من العقلاء القادرين على استيعاب تبعات ما يقومون به.
المصدر: سوالف سوفت
mr$foxyمنذ 15 سنة
بلد مم امله كرشك وعلي ارشك وتعريص عايزين الناس تفضل فل تخلف علشان يبرطعو زي ماهما عايزين (((((الهم اضرب الظالمين بل ظالمين واخرجنا منهم سالمين)))))))
ابو الخير الطيبمنذ 15 سنة
ههههههههههههههههههه – تفتكروا في حاجة غريبة بتحصل في مصر– الموضوع بسيط ومش محتاج للتأمل وعموما هناك فكرة مطروحة لعمل جسر لتسهيل السرعة للأنتر نت وكله هيبقى تمام – ويسهلوا كل حاجة للمواطن المصري المطحون ويطحنوه اكتر وعاش الريس وجسوره وانفاقه
هبهمنذ 15 سنة
احنا لازم نقول رأينا يا جماعة مش نتريق وخلاص
لازم يكون لينا موقف-نقاطع النت كلنا ولو ليوم واحد ونورى الشركات اللى عماله تتحكم عمال على بطال اايه اللى ممكن يخسروه لة طبقوا السياسه الغريبه ديه
sammor2008منذ 15 سنة
لا يوجد في بلدنا عدل سوى سامي العدل واشقائه وهما من الفئة الواصلة وبالنسبة لسياسة الاستخدام الظالم اقصد العادل كما سموها ليس من ورائها سوى ضرالمواطن وعزلة وجمع الاموال منة ظلما بدون وجة حق كا قراءة عداد النور والماء واذا طابقتهم لازم تتطلع غلطان لانة لا احد يستطيع ان يحسب استهلاكة للنت وكم بقي لة وهذا احد وسائل الهبش الجديدة وانا اقول ان سياسة الاستخدام العادل ممكن تكون بس بشرط جعلها مجانا للشعب الغلبان اللي مش لاقي حاجة تلهية غير النت ولو حدث غير كدا الشعب مش هيلاقي ملهى وهيفوق وحذاري من فوقة الشعب
ahmedsmithمنذ 15 سنة
يا رجاله احنا له دايما مش بنفكر
ده قرار وزاري مش من شركات الانترنت
وبعدين احنا نسينا ان الشركات ده لسا رفعا السرعات وبنفس السعر
صح ؟؟؟؟؟؟
يا جماعة هيئة تنظيم الأتصالات عاملين كد علشان بعد مرخصو النت لسه فيه شبكات غيرشرعيه و مأثرة على سرعة النت عند الناس المشتركة لوحدها
SWiSHaWYمنذ 15 سنة
انا سمعت يا شباب ان في سيرفرين موجودين تبع الجيش واحد في الاسكندرية والتاني في الحي السادس مدينة نصر ..
ودول بتوع الجيش بيراقب ويفلتر بيها كل الداتا اللي جاية لمصر .. اي تفقات غير مشروعة بطريقة ما .. بيعرفو ويراقبوا المصدر والمرسل اليه ..
تخيل سيرفرين شغالين في الموضوع ده ..
لما السرعة تتضاعف وبنفس السعر .. هل السيرفرين هيقدروا يتحملو ده ؟؟ طبعاً لا ..
يعملو ايه .. يحجموا الموضوع من اتجاه تاني .. ولا هو من شركات ال اي اس بي.. زي تي اي داتا ولا لينك ولا الكلام ده ..
ده قرار سلطات عليا
ahmed elridyمنذ 15 سنة
انا مش عارف الناس دى عايزة مننا اية سرقوا مننا كل حاجة حتة الأنترنت؟؟؟؟؟ دة فى الأمالاات النت مجاااااااااااااااااااانى كفاية ظلم الريدى2010
محمدمنذ 15 سنة
@deao.org,
من المعروف يا جماعة ان سياسة الاستخدام العادل دي موجودة في العالم كله دلوقتي
بس في مصر وبعض الدول العربية زي الاردن اخدوا الاسم بس ولعبوا في القانون لحد ما خلوه سياسة السرقة العاجلة أما باقي الدول العربية زي السعودية فهي مش محتاجة السياسة دي لانها بتسرق من الناس اللي مكفيها وزيادة فمش مستنية قوانين جديدة … هي كدة شبعانة
ودلوقتي لو كان قرار الحكومة مقصود منه الاستخدام العادل فأوكي ولكن لو كان قرارها مقصود منه السرقة فلا وألف لا
ودلوقتي نعمل ايه علشان نقول لأ لإن الكل عارف ان الغرض هو السرقة ليس إلا …. وإلا فما تفسير المادة الخاصة بالجيجا بعشرة جنيه دي … دة معناه ان اللي معاه فلوس زي ولاد الحكومة يعمل اللي هو عايزه ولا عليه سياسة عادل ولا سياسة وحيد …. لكن اللي مش معاه من ولاد الشعب دة بقى يستاهل اللي يجراله … هو حد قاله ان انه يكون شريف وميسرقش هو كمان …. وطالما هو عايز الشرف يبقى يستحمل … وكمان قالوا زمان أحلى من الشرف مفيش
المهم دلوقتي نعمل ايه
أول حاجة لازم نخسر الشركات دي ولازم تعرف انها بكدة خسرت وان القانون دة ضد مصلحتها ….
طيب ازاي
انا مش حطلب طبعا اننا نلغي خط النت لان الشركات دي عارفة كويس ان القانون جه في وقت مظبوط بعد ما اصبح النت شيء اساسي في حياة كل شاب
كل المطلوب شوية فكر
يعني ايه
يعني الناس تعمل مجموعات واعتقد ان كلنا عاملين الحوار دة وممكن اصحاب الوصلات يلتقوا واصحاب السايبرات كمان لانهم اكتر المتضررين وكل المطلوب ما يلي
اولا : الكل يخفض سرعته في كل الشبكات وكل السيبرات لأقل حد ممكن وهو 512 يعني لو الشركة بتوزع 50 خط في منطقتك كلهم سرعة اعلى من 512 نقللهم لـ 512 وتكون السرعة دي مخصصة بس للشات والماسنجر والفيس بوك وبلاش اليوتيوب
يتم بين السيبرات واصحاب الوصلات او حتى مجموعة من الشباب بحيث كل مجموعة يكون ليه واحد مسئول عن الداونلود للافلام والالعاب وكدة يعني
كل واحد من دول حيبقى مسئول عن حاجة معينة يحملها ودول بس حيكون معاهم خطوط ذات سرعات كبيرة وبعد كدة يقوموا باستبدال الملفات فيما بينهم ثمتوزيعها على المستخدمين
يعني لو كان فيه في الاول زي 50 خط سرعتهم 2 ميجا مثلا
يبقوا 45 خط سرعتهم 512 للشات و 5 خطوط سرعتهم 8 ميجا للداونلود والخوط دي تستهلك الحد المسموح بيه ليها بالكامل يعني داونلود بس حوالي 600 جيجا متنوعة وفيها كل حاجة وبعد كدة يتم توزيع المساحة دي على الـ 50 خط واعضائهم والسيبرات اللي فيها
وبكدة كلنا عملنا شات زي ما احنا عايزين
وبكدة كلنا حصلنا على كل المسلسلات والافلام والالعاب اللي احنا عايزينها
وبكدة الشركة خسرت وحيتخرب بيتها لان الاول كان بيدخل لها 50 × 220= 11000جنيه شهريا من المنطقة دي بس
لكن دلوقتي حيدخل لها حوالي 45 × 95 + 5 × 695 = 4275 + 3475 = 7750 جنيه شهريا
فاذا عرفت ان 50 خط بسرعة 1 ميجا بتكسب الشركة حوالي 7000 جنيه فدة معناه ان المحصلة كأن القرار خلى كل العملاء يخفضوا سرعتهم من 2 ميجا لـ 1 ميجا
عارف ان الموضوع عايز تخطيط جامد لكنها حرب واللي حيقول يا عم كبر دماغك يبقى يساهل اللي يجراله خاصة ان الموضوع صحيح ترفيه بالنسبة للبعضولكنه اكل عيش للبعض الآخر وإلى ميستحملش علشان أكل عيشه يبقى ميستاهلوش
في فكرة تاني بس عايزة مخ جبار وخبرة كبيرة في الالكترونيات
من المعروف ان معظمنا بيعمل نفس الدونلود وبندخل على نفس المواقع تقريبا يعني بنحمل نفس الكلام ونفس الصور تقريبا
انا بقى بسأل
هو ممكن نعمل جهاز بحيث يكون سيرفر خاص
يعني الجهاز دة متوصل بالنت مباشرة واحنا اجهزتنا متوصلة بيه
واول ما نطلب من جهازنا اننا نحمل صفحة معينة او ملف معين يحمله ويحتفظ بيه وبالرابط بتاعه وبعد كدة يبعته على جهازي ولما حد تاني يطلب نفس الصفحة او نفس الملف ميحملوش مرة تانية ولكن يبعتله النسخة الموجودة فيه اصلا
وطبعا كدة كل صفحة او كل ملف حيتحسب مرة واحدة بس حتى لو كانوا اللي حجملوه الف واحد
مجرد فكرة وانا عارف انها تقنيا ممكنة بس عايزة حد بيفهم في الحوارات دي
فلو حد بيفهم ياريت يحاول يعملها وبعد كدة يا عم يبيع المشروع لحاسبه مش مهم
المهم ان الشركات دي تتعلم الادب
والسلام ختام
شركة داونلود لخدمات الإنترنتمنذ 13 سنة
سرعات انترنت بنفس الاسعار وبدون سياسة الاستخدام العادل
512 Mbps / 95 EGP
1 MB / 145 EGP
2 MB / 230 EGP
4 MB / 380 EGP
وسرعة تانية كتير للراغبين في السرعة العالية أو الشركات
عرضنا ولفترة محدودة التركيب مجانا وخصم هائل على اسعال الراوترات
ودائما عروض متجددة
للاتصال 0190023076
محمدمنذ 12 سنة
طظ فى شركة اتصالات اسمارت النصابة وان شاء الله هتفلس قريب